Birësimi frymëror është gjë e madhe në teologjinë praktike të J. I. Packer.
Në librin e tij Knowing God (Të njohësh Perëndinë) J. I. Packer shkruan:
Nëse dëshiron të vlerësosh se sa mirë e kupton dikush krishtërimin, zbuloni sa shumë e vlerëson ai person mendimin e të qenët fëmijë i Perëndisë dhe të pasurit e Perëndisë për Atin e tij.
Nëse ky nuk është mendimi që e nxit dhe e kontrollon adhurimin e tij, lutjet e tij dhe gjithë këndvështrimin e tij ndaj jetës, do të thotë se ai nuk e kupton aspak mirë krishtërimin.
Packer thotë që nëse do ta fokusonte mesazhin e Dhjatës së Re në tri fjalë, këto do ishin fjalët që do të zgjidhte:
birësim përmes shlyerjes
Packer shkruan dhe thotë: “Nuk pres që të has ndonjë përmbledhje tjetër më të pasur dhe më kuptimplotë të ungjillit se sa kjo.”
Si do ta përmblidhte Packer gjithë mësimin e Dhjatës së Re?
zbulesa e Atësisë së Krijuesit të shenjtë
Packer e përmbledh gjithë fenë e Dhjatës së Re me fjalët:
njohja e Perëndisë si Ati i shenjtë i dikujt
Ai shkruan:
Gjithçka që dha mësim Krishti,
gjithçka që e bën Dhjatën e Re të re dhe më të mirë se të Vjetrën,
gjithçka që në mënyrë të dallueshme është e krishterë dhe jo judease,
përmblidhet në shprehjen:
njohja e Atësisë së Perëndisë
Packer thotë se gjithsecili prej nesh duhet t’i bëjë vetes pyetjet e mëposhtme:
Unë vetë si i krishterë, a e kuptoj veten time?
A e njoh identitetin tim të vërtetë?
Fatin tim të vërtetë?
Duke e quajtur këtë “sekreti i të krishterit për një jetë të krishterë dhe një jetë që e nderon Perëndinë”, ai thotë që duhet t’i marrim të vërtetat e mëposhtme dhe “t’ia shqiptojmë vetes tonë disa herë si gjënë e parë që bëjmë në mëngjes, si gjënë e fundit që bëjmë në mbrëmje ndërsa presim autobusin dhe kurdoherë që mendja jonë është e lirë dhe të lutemi që të mund të aftësohemi për të jetuar si dikush që e di se e gjithë kjo është tërësisht dhe plotësisht e vërtetë”.
- Unë jam fëmijë i Perëndisë.
- Perëndia është Ati im.
- Qielli është shtëpia ime.
- Çdo ditë është një ditë më afër.
- Shpëtimtari im është vëllai im.
- Çdo i krishterë është gjithashtu vëllai im.